In n optoch löp t haalve doarp,
met t muziek der biej,
veurlangs de huze an t kanaal
tot oew vaar zien' boerderiej
Kort veur den optoch bin iej
reukeloos van t hoes egoan
Nog zee k oe deur t vitrazie hen
biej t kamerreamken stoan
Noe wil ik stiekem dat t weer
n moal as vrogger wean zal,
toe'w mangs noa melknstied
wat vriejn deudn in n stal
Wiej warn neet van de zölfde karke
doarum hef t niks länger doerd:
toen oew vaar der achter kwam
hef e rap oe vortbonsjoerd
En al he'k oe nooit weerum ezeen
hoo a'k ok zochn in stad en laand,
noadat ik dee video zag
stoa'j miej weer in t oog ebraand